অন্ধ বিশ্বাস:

২৮ শে আগস্ট, ২০২৩ দুপুর ১:৪০

শুক্ল যদুর্বেদের ১৯'শ অধ্যায়ের ৭৪ শুক্তে আছেতা
" হংসঃ সোমং অদ্তঃ অপিবৎ ছন্দসা শুচিষং তথা ঋতেন সত্যম।। এরে ব্যাখা অহন নীচে বিস্তারিত আছে
এপাকা আসল কথা হাত আহিকগা--------
সাধারণ মানু্র ভিতরে বহুত অন্ধবিশ্বাস প্রচলিত আছে। এরে অন্ধবিশ্বাস অতা সৃষ্টি ইছেতা মূলত ধর্মগ্রন্থ অতাত্ত।
কথা আকতা প্রায় হাবি জ্ঞানীগুণী মানুয়ে স্বীকার করে নিয়াছিগা যে, ধরপানিত্ত ঈশ্বর এবং বহু দেবদেবীর সৃষ্টি ইছেতা। যেমন হরপর আতহাত্ত্ব বাঁচানির কাজে মনসা দেবী, বসন্ত রোগীর আতহাত্ত্ব মুক্তি পানারতা শীতলা দেবী, কলেরার আতহাত্ত্ব মুক্তি পানারতা ওলাওঠা দেবী, সুন্দরবনর মানুর বাঘর আতহাত্ত্ব মুক্তি পানারকা বনবিবি । বনবিবির পূজা সুন্দরবন ছাড়া আরতা কোহানও নার।এহেতেই প্রমাণ অর ধরপানিত্ত এসারে দেবীদের সৃষ্টি ইছেতা।
এতা আছিলাতা অনার্য দেবী। নিজর নিজর স্বার্থে আর্য অতাই,, অনার্য দেবী অতারে জাতে তোলানির কা মঙ্গল কাব্য অতা রচনা করেছি। অতার ভিতরে আহান ইলতা মনসামঙ্গল কাব্য। মনসামঙ্গলে দেখরাঙ কালনাগিনী হরপর কামড়ে লক্ষিন্দরর মরণ ইছিল। মনসামঙ্গল কাব্যের রচয়িতা অগই হারনাপাছে যে কালনাগিনী হরপ এতার বিষ নেই বুল্লেও একরের, যেতা আছে অতানো মানু না মরবা। কালনাগিনী হরপর বিষ নেই এরে-কথা অহন স্বীকার করলে মনসা ঠাকরুনই মিছাহান ইয়া যারগা।
অতাইয়া অন্ধের অসারে বিশ্বাস করানিয়েই হবা।
সিনেমাত দেখরাঙ হয় হরপে মানুরে চিনিয়া থর এবংপিছে বদলা নেরগা। এটাও অবাস্তব কাহিনী আকতা। হরপ অরতা মানু চিনানির ক্ষমতা নেই। আতাও দেখরাঙ হরপর কাদাহাত বিন বাজিলে হরপ অগই মুরগো তুলিয়া ফান্দা ফান্দি করের। এটাও অবাস্তব কাহিনী আকতা।কিদিয়া বুল্লে হরপর কানহান নেই অতাইয়া হুনানির প্রশ্নই না ওঠের। বাঁশি গর নড়াচড়া দেখিয়া হরপগ মুরগো দোলার। মানুয়ে বিশ্বাস করতারা হরপে সেঙ্গুম কলা খার। সেঙ্গুম পিনা ৎ তো দূরের কথা, সেঙ্গুম পিলে হরপ অরতা মৃত্যু পর্যন্ত ইতে পারে। অতাইয়া হরপে সেঙ্গুম না খেইতারা।
এসারে আহান অন্ধ বিশ্বাস আসেতা হাঁসওর সেঙ্গুম পিনা নিয়া। সরস্বতীর বাহনগ হাঁস, অহন্ন হাঁসর এক অলৌকিক ক্ষমতা হান আছে, যেমন হাঁস অতারে পানির ভিতরে সেঙ্গুম খানাত দিলে হাঁস অতাই হুদ্দা সেঙ্গম পিয়া পানি অতা বেলিয়া থর। যেহেতু হাঁস সরস্বতীর বাহনগ,অতাইয়া মানুয়ে অহন সহজেই বিশ্বাস করিয়া নিয়াছি এবং অন্ধবিশ্বাসে পরিণত ইছে, পরীক্ষা ছাড়াই। অথচ এরে বিষয় অহন সহজেই পরীক্ষা করানি একরের। তাও মানুয়ে পরীক্ষা করতে রাজি নায়তারা। অন্ধদের বিশ্বাস অসারে অরতা। পরীক্ষার ভিতর দিয়া প্রকৃত সত্য হান হারপানি একরের। খানি, পানি মেশানো সেঙ্গম দিয়া, আপনা আছিয়ে হাঁস আগরে খাওয়া দিয়া চেই। প্রকৃত সত্যহান নিজেই হারপিতাও। হাঁস অগই সেঙ্গম আর পানি আলাদা করানি নুয়ারবো। পারানিও সম্ভব নাইবো, অগ পাতি হাঁস হোক বা রাজ হাঁসগ, কারোই পক্ষে সম্ভব নাইবো। সেঙ্গম ইলতা কলয়েডীয় দ্রবণ আকতা। অসারে সূক্ষ্ম কলয়েড কণারে হাঁসর পক্ষে ঠোঁটগ দিয়ে আলাদা করানি কিসারে সম্ভব। অতাইলে প্রশ্ন আহান উঠতেই পারে মানুর মধ্যে এসারে ধারণা কিক্ক ইলতা?
এখনও আহিছেতা বৈদিক সূক্তের ভুল ব্যাখ্যা অহত্ত। যেমন শুক্ল যদুর্বেদের ১৯'শ অধ্যায়ের ৭৪ শুক্তে আছেতা
" হংসঃ সোমং অদ্তঃ অপিবৎ ছন্দসা শুচিষং তথা ঋতেন সত্যম।।
অর্থ হান ইলতা, হংস মানেই সূর্যগ তার নিজর শক্তিহান দ্বারা সত্য-মিথ্যার মিশ্রণ অতাত্ত সত্য অহন আলাদা করিয়া নেনা বা পিনা পারের। বাস্তবেও আমি দেখরাঙ দ্রবণর জলীয় বা তরল ভাগ সূর্যগর তাপে বাষ্পীভূত ইয়া আলাদা ইয়া যারগা। এরে মূল অর্থ অতা পরবর্তীকালে ভুল ব্যাখ্যানো হরিবল ইয়া যারগা(তালগোল পাকার)। 'হংস' বা সূর্য ইয়া যারগা হাঁস 'সোম' ইয়া যারগা পানি মেশানো সেঙ্গম। 'অপিবৎ' পিনার অর্থ হানঠিকই থাইল। ফলে কিহান ইল হাঁসগর কপাল হাত জুটিলতা সেঙ্গম আর পানি আলাদা করানির ক্ষমতা। কিদিয়াই বা নাইতইতা দেবী সরস্বতীর বাহনগ বুলিয়া কথা।
মুলালেখা হানঃ
-------অশোক সরকার-----
মানুর ঠারে অনুবাদঃ
------চার্বাক দর্শন------

০ টি +০/-০