হড়ি বউর হটাহটি

০৯ ই মে, ২০১৪ দুপুর ১২:২৮

হড়ি বউর হটাহটি

লুৎফুর রহমান



হাই-ফুতোর কিছা হড়ি

খররা গরোর দারিত্

এমন সময় মার্কেট থাকি

আইছে বউ বাড়িত্।



'আমার ফুয়া লন্ডন থাখে

বউর ফাড়ো মোবাইল

টেখা ইগুন তাইর খাছে

হুরু হুরু গুগাইল।



আমার ফুয়া ছুইয়া খার

আত্তির লাখান অর

টেখা দিয়া নারিং বিরিং

খতো জিনিষ লর।'



ইতা হুনিয়া বউর মাথা

তাওয়ার লাখান অয়

খলে কলৈ লাগাই বাঝাই

জামাইর খাছে খয়।



মানুষে খইন হড়ি-বউর

লাগছে হটাহটি

ঞাইট খরি খইনা বেটি

ভাঙে মাটির ঘটি।



হড়িয়ে জমাইন বেয়াই-বেয়াইন

বিচার বওয়াইন মাসো

মনের দুক্কে এখলা খান্দইন

এলাইন দিয়া বাঁশো।

০ টি +০/-০