চিকপা ওয়ারিঃ ১ বিষয় হানঃ আমার নীতি-নৈতিকতা উৎস ধর্ম নাগই।

০১ লা জুলাই, ২০২৩ সন্ধ্যা ৭:৩৯

আমার তেইপাঙ মানু সময়হাত বড়াই করিয়া মাতলা যে ইশ্বর অগই তাঙারে বিশেষভাবে হংকরেছে।ভগবানে তাঙার ভিতরে নীতি নৈতিকতা (তথা morality) দিয়াছে, হবা হবানেই পার্থক্য করানির ক্ষমতা দিয়াছে, বিচার-বুদ্ধি-বিবেচনা দিয়াছে, যেহান এরে পৃথিবী হাত আর কোন প্রাণীর ভিতর না দিয়াছে। কিন্তু ডারউইনের তথ্যের মধ্যে দিয়া দেখরাং যে মানু বিশেষভাবে কোন প্রাণী নাবে। এরে পৃথিবীহাত আরো পাচগো প্রাণীর অসারে আমি মানু অতা প্রজাতি আহান। আর মানু অতা যদি বিশেষ প্রজাতি আহান বুনিয়া ধরিয়া নেরাঙগা, অতাইলে সংজ্ঞা অনুসারে এরে পৃথিবী হাত যত পশু পাখি গাছ পালা যত প্রকারের জীব আছে তাঙার প্রত্যেকের খানি না খানি স্বতন্ত্র বৈশিষ্ট্যের অধিকারী। অতাইয়া তাঙারতাও special খানি আছে বুনিয়া গন্য অনার দাবী ঠার। বিবর্তন তত্ব মানুরে সেই বাস্তবতাকে আখিগত আমুনি দিয়া দেখা দিলো। হবা করে হারপিলাং যে মানু অতা সৃষ্টির সেরা জীব নাবে; তাঙি বিশেষ ভাবে তৈয়ার নাইছি। বিভিন্ন তথ্য প্রমান হাত্ত হারপারাং মানুর উদ্ভব কিছু পশুর ভিতরেতো। আর ধর্মের সেই প্রাচীন ধ্যন ধারনা, ভাগিয়া গুরা গুরা ইল।
হাবি ধর্মের মধ্যে সাধারন বৈশিষ্ঠ আহান ইলতা, যেকোন ধর্মগ্রন্থ ঘাতিলেই চমৎকার বর্ণনা পারাং।আর সেই বর্ণনা ইলতা মানু কিসারে সৃষ্টি ইসিতা তার বিশদ বিবরন। অহাত রিতিমতো বড়াই করিয়া মাত্তারা যে মানু অতারে ইশ্বর কিসারে হংকরলো, কিসারে সমস্ত কিছু হংকরানি র পরে রীতিমত সময় নিয়া ইশ্বর মানুরে বিশেষ ভাবে গড়িয়া তুললতা; তাঙার মধ্যে বিদ্যে বুদ্ধি ইত্যাদি দিয়া। সে এক ডাঙর ওয়ারি হান। কিন্তু বির্বতনবাদ সেই ধাওণা অরে ধুলায় মিহিয়া দিলো। মানু যে ইশ্বরের favorite সেই ধারন অহন আর ধোলে না টিকিল।
আর অহাত অই বাধিল ধর্মের লগে সংঘাত। ধর্ম নিজর গুরুত্ব বিজায় থনার কা সব সময় প্রচার করিয়া আহের আমার মানুর মধ্যে নীতি নৈতিকতা (তথা morality) ও মুল্যবোধ অতা ইশ্বর মানুর ভিতর দিয়াছেতা ধর্মের মাধ্যমে। কারন হান ইশ্বর মানুরে বিশেষভাবে সৃষ্টি করিছে, মানু সৃষ্টির সেরা জীব । কিন্তু ডারউন পইলাকা আহিয়া সেই ধারনার বিরুদ্ধে মাতিছিল। ""The Descent of Man" লেরিখাত লিখিছে যে
..........there is no fundamental difference between man and the higher mammals in their mental faculties.
তা আতাও মাতলো মা্নু এবং অন্যান্য উচ্চতর প্রাণীদের মধ্যে আপাত দৃষ্টিতে এহেন পার্থক্য হান যে, " certainly one of degree and not of kind."' ধর্মের ধ্বজাধারী অতাই পমাদ গুনানি অকরলা। এরে গিরক অগোই কিহান মাতেরহান? হাবিয়ে উঠিয়া পড়িয়া লাগলা বির্বতন তথ্য হন ভুল ধরানির কা।
যেকোন ধর্মই ইশ্বরের দ্বারা মানুর সৃষ্টির কথা ফলাও করিয়া প্রচার করতারা। বির্বতন বাদ তথ্য সেই ধারনার পানি ঢালিয়া দিল।এরে কথা অতা, মানু এই পৃথিবীহাত আরোও অন্যান্য প্রজাতির অসারে প্রজাতি আহান, ; গিরকে মাতলো যে মানু অতা অন্যান্য প্রাণীর অসারে প্রাকৃতিক নিয়মে আবদ্ধ। মানুয়ে চিন্তা করলা এরে বির্বতনবাদ অহন আমার মানবসমাজের মানবিকতা, নিতী-নৈতিকতা, বিচার-বিবেচনা এতা হাবি অধঃপতনে নিয়া যিতইগা। কিদিয়া বুল্লে ধর্ম অহন এতদিন ধরিয়া আমারে হিকিয়া আসেতা যে মহান ইশ্বর এই ধর্মের কারনে আমার মধ্যে নীতি-নৈতিকতা ভরিয়া দিয়াছেতা। ধর্ম ছাড়া সমাজ অচল। কিন্তু বির্বতনবাদ তত্ব ধর্মের এরে মুল ভিত্তিহানরে ভুল প্রমান করল।
কিন্তু মানু আকখুরুম না খালকরলা যে, মানুষ যদি সতি্যি সৃষ্টির সেরা জীব ইলে অতাইলে তাঙারে আকুম আলাদা আলাদা করে ধর্মের মাধ্যমে নীতি -নৈতিকতা কিদিয়া হিকানি লাকতই তা?? তাঙার মধ্যে এরে গুন অতা সহজাত অনার কথা।

০ টি +০/-০